KALIBO, Aklan—Nag-abot eon sa 178 nga mga frontliners ro nabakunahan eon sa banwa it Banga kontra COVID-19.
Suno kay Donnalyn Siyambio, tagapaghambae it Municipal Inter-Agency Task Force nga puro naeakip sa A1 group pa eamamg ro andang nabakunahan sa unang pag-arangkada it andang vaccination rollout nga ginpatigayon sa teodosio’s park gamit ro AstraZeneca.
Aarget sigon nanda nga mabakunahan sa A1 group hay masobra sa 500 nga indibidwal.
Pila sa mga pagabakunahan kunta nanda ko lunes hay ginpaiway bangud sa mataas nga blood pressure ag ro iba hay gina-ubo rason nga owa eon ginpasueod sa vaccination site.
Ginatinguhaan sigon nanda nga maabot ro 70% kara agud nga makaderetso sa andang A2 group ukon mga senior citizens.
Apang posibleng madelay eon man ro andang masunod nga schedule sa huwebes bangud sa kakueangan it tawuhan matapos nga pila sa andang mga staff hay gin classify nga high risk contact bangud sa exposure sa covid patient.
Samtang, ginkumpirma ni siyambio nga nadugangan it sambilog ro andang listahan sa mga namatay tuga it covid infection.
Ro pasyente hay sangka 53 anyos nga babaye nga taga Polo, Banga.
Ro banga hay may kabilugan nga 157 nga kaso, 28 kara ro active cases ag 4 eon ro namatay.
