KALIBO, Aklan—Nag-abot eon sa masobra sa 1.1 milyong turista ro nagbisita sa Isla it Boracay sa unang waeong buean it dag-on suno sa Malay Municipal Tourism Office.
Base sa datos nga ginpaguwa it MTO-Malay, may kabilugan nga 1,189,481 nga turista ro nagbisita umpisa Enero hasta Agosto, 2022.
Suno kay Mr. Felix Delos Santos, Chief Tourism Operations Officer nga raya hay sangka pamatuod nga ro Boracay hay nagapabilin nga sambilog sa mga nagapangunang tourist destinations sa nasyon.
Presenteng nagapanguna gihapon sa mga bisita sa isla ro mga domestic tourists nga nag-abot sa 1,110,294.
Sa pihak kara, padayun man ro pagtaas it numero it mga dumueuong nga turista nga nakalista it 55,184 kamana man ro mga Overseas Filipino Workers (OFW) ag Overseas Filipinos nga may 24,003.
Sa pihak kara, ginklaru ni Delos Santos nga makaron nga buean it Setyembre hay nagnaba ro tourists arrivals bangud nga mag-eowas nga nagbalik klase eon ro mga estudyante hay nagapabilin nga owa pa it direct flight halin sa China nga imaw ro ginasaligan nga mga visitors sa raya nga paniempo.
Nagapanguna suno kana sa mga foreign tourists nga nagabakasyon hay puro mga koreano.
Naga-average makaron ro tourist arrivals sa 4,000 to 5,000 per day kumpara ko nagtaliwan nga mga buean nga nakalista it 7,000 to 9,000 per day.
Mabahoe man ro andang pagpati nga sa pagtapos it 2022 hay maabot ro 2 milyon nga tourist arrivals.
Mag-eowas sa Kalibo international airport kaibahan sa ginbuksan hay ro rota nga clark international airport to Caticlan airport.
