KALIBO, Aklan—Eubus ro kabaeaka it mga residente nga daeayong maapektuhan ro andang pangabuhian kasunod it natabong pagleak it lube oil sa ginabreak nga power barge sa yard it Metallica Shipbuilding/Breaking Company nga nahamtang sa may bahin it Lagatik River sa Brgy. Polo, New Washington.
Sa ginpaabot nga reklamo sa Bombo Radyo it mga mangingisda ag residente sa lugar, umabot eon ro oil spill sa mga fish cage nga nahamtang sa suba nga sakop it Brgy. Pinamuk-an kon sa siin may nataeopangdan nga nagkaeamatay nga mga isda.
Masyadong maisog ro langis nga maskin ro pispis hay natrap ag inde eon kaeopad bangud sa naputos raya it langis.
Sa panaysayon it pilang ka tagreklamo, mabahoe ro partisipasyon it Lagatik River sa andang pangabuhian rason nga eubus gid ro andang pagkabaeaka kon inde eagi masolusyunan ro problema eabi eon ag amat-amat nga ginapatay it oil spill ro mga isda sa lugar.
