nag-ugyon ro Police Regional Office ukon PRO-6 sa bilog nga Philippine National Police ag National Police Commission ukon NAPOLCOM sa dueueungan nga Kick-off Ceremony it 27th Police Community Relations ukon PCR Month celebration sa bilog nga western visayas ko nagtaliwan nga domingo.
Suno kay P/Lt. Col. Arnel Solis, tagapaghambae it PRO-6 nga ro tema makaron nga dag-on hay “Ugnayang Pulisya at Komunidad Tungo sa Mapayapa, Maayos at Maunlad na Pamayanan”.
Naging highlight man sa selebrasyon ro pagtau it pasidungog sa mga deserving nga PNP personnel.
Gindugang pa ni Solis nga ro selebrasyon hay mayad man nga kahigayunan agud nga kilaeahon ro partisipasyon it publiko sa pagtapna sa mga krimen.
Daean man sigon raya agud nga mas pang mapabaskog ro relasyon it komunidad ag kapulisan.
Angot kara, ginpahayag it opisyal nga mabahoe nga bagay ro pag-angkon it sangka pulis it mayad nga pagbinatasan maskin pinaagi sa simpleng pagtamyaw ukon paghibayag sa pag-atubang sa mga kliyente .
Nasayuran nga ro PCR month hay ginaselebtrar kada unang adlaw it hulyo sa gahum it Presidential Proclamation number 764 nga may petsang enero 24, 2005 nga ginapangunahan it NAPOLCOM
