Naga abot eon sa 4 nga ka pasyente nga namatay bangud sa COVID-19 ro gin-eubong sa gintaeana nga burial grounds sa probinsiya it Aklan

KALIBO, Aklan—Naga abot eon sa ap-at nga ka pasyente nga namatay bangud sa COVID-19 ro gin-eubong sa gintaeana nga burial grounds sa nagkaeain-eain nga lugar sa probinsiya it Aklan.

Raya hay kasunod it temporaryong pagsuspinde sa operasyon it naga-isaeahanon nga crematorium sa bilog nga panay nga nahamtang  sa siyudad it Iloilo bangud sa kaabuon it mga bangkay nga kinahangean nga serbisyuhan.

Suno kay  Dr. Cornelio Cuatchon Jr. it Provincial Health Office  ukon PHO-Aklan nga maskin nga COVID probable ro pasyenteng namatay hay kinahangean nga magsunod  sa protocol nga mai-eubong ro anang nakaselyong bangkay sa sueod it  12 oras sa kutkot nga may daeum nga  12 feet.

Dapat man sigon nga nakabutang ro bangkay sa metal casket  ukon kabaong.