Naga-abot eon sa 74.5% ro vaccination rate sa banwa it Kalibo base sa datus it Municipal Health Office

KALIBO, Aklan–Naga-abot eon sa 74.5% ro vaccination rate sa banwa it Kalibo base sa datus it Municipal Health Office.

Ginpahayag ni Dr. Jocelyn Garcia nga nagakahueogan eamang raya nga naabot eon it banwa it ginatawag nga herd immunity.

Apang, bukon sigon raya it bastante para mapabilin nga euwas ro mga pumueoyo halin sa paeag it pandemya bangud kapin sa 4,242 pa eamang ro naturukan it booster shot.

Bangud kara, padayun ro andang panawagan sa mga pumueoyo nga magpabakuna ag magbaton it booster shot para makaangkon it dugang nga proteksyon kontra sa virus ag iba pang variant.

Sa makaron, nagapadayun ro bakunahan it MHO nga ginapatigayun it daywang beses sa sueod it sang dominggo.

Nasayuran nga aprubado eon it Food and Drugs Administration (FDA) ro pagturok it 2^nd dose it booster shot sa Pilipinas.