KALIBO, Aklan—Naga-aray makaron ro mga negosyante sa isla it Boracay kasunod it pagnaba it mga tourist arrival.
Suno kay Malay Tourism Officer Mr. Felix Delos Santos nga 53 eamang ka mga bakasyunista ro andang nailista ko nagtaliwan nga adlaw it Lunes.
Mabahoe suno kana ro naging epekto it ginpatuman nga Enhanced Community Quarantine (ECQ) sa National Capital Region (NCR) ag mga kaeapit nga probinsya partikular sa Bulacan, Cavite, Laguna ag Rizal.
Mataeopagdan nga hugot nga ginabawae it gobyerno ag Inter-Agency Task Force ro pagguwa ukon pagbyahe it mga residente sa nasambit nga mga lugar mag-eowas eon lang sa mga essential workers.
Maskin ro byahe it mga eroplano hay naging maeanghay man.
Nagaeaum man si Delos Santos nga makabalik eon sa normal ro daeagan it turismo bangud sambilog raya sa may mabahoe nga kontribusyon sa ekonomiya it nasyon.
