KALIBO, Aklan—Nagaabot eon sa 332 ro kabilugang numero it kumpirmadong kaso it coronavirus disease ukon covid-19 sa probinsya it Aklan.
Sa nasambitang numero kapin sa 124 ro aktibong kaso kung sa siin 119 kara ro una sa facility quarantine ag ro lima hay presenteng naka-admit sa Aklan provincial hospital.
Samtang, nadugangan man it 6 ro nga nakarekober sa nasambitan nga sakit.
Bangud kara, nagaabot eun sa 197 ro nailistang total recoveries.
Suno pa kay Dr. Cornelio Cuachon it Provincial Health Office nga may unang 18 ka mga bag-ong covid-19 positive maghalin sa Purok 1 C. Laserna St. Poblacion, Kalibo.
Base pa sa mga bag-ong laboratory results ko nagtaliwan nga adlaw umpisa sa 103 hay 23 ro nagpositibo.
Sa nasambitang numero 18 hay maghalin sa Purok 1, 3 sa Tigayon, ag 1 sa New Buswang ag Buruanga.
May 78 man nga laboratory results maghalin sa Western Visayas Medical Center ag raya tanan hay negatibo.
