Nagaapela it pangamuyo ro Filipino community sa Middle East kasunod it mga serye it pag-atake it Iran kontra sa mga base militar it Estados Unidos sa Gulf Arab states.
Suno kay Bombo International News Correspondent Shynne Resurreccion, sangka nurse sa Bahrain nga maeapit mismo ro anang apartment sa US Naval Base rason nga sunod-sunod nga mga mabaskog nga pagsabog ro andang nabatian ag nabatyagan kon sa siin insigida sanda nga naghimos agud nga makabakwit sa mas eowas nga lugar.
Kapin sa 10 minutes ride eamang halin sa anang apartment ro US Naval Base rason nga abot sa andang lugar ro mga debris ag hugom it abo it missiles nga tumama sa pasilidad it Estados Unidos.
Suno pa kana, bukon it hangae ro joint combat operation it Estados Unidos ag Israel rason nga uwa raya ginpaeampas it Iran ag insigidang nagbaeos sa mga base military it Amerika.
Makaeoeooy suno kana ro mga sibilyan nga naigpit nga uwa nakapangaman bangud nga bukon it tanan nga missiles hay naintercept it iron dome it kada nasyon sa Middle East.
