Mataeupangdan nga eapnaag eon man ro ilegal nga droga.
Haeos adlaw adlaw hay milyones ro kantidad it droga ro natigayon nga madakpan.
Isipon eon lang naton kon paalin nga naka eusot ro bultu-bultong shabu, ag pilang kabuhi eon man ro maguba.
Angot kara, nagpromisa man ro kapulisan nga ipabilin ro agresibong giyera sa droga.
Raya hay sa tunga it pagkabaeaka nga magahina ro anti-illegal drugs operations sa nagahilapit nga pagtapos it termino ni Pangueong Rodrigo Duterte.
Ginpadumdum eon sigon ro mga police commander sa bilog nga nasyon nga padayunon ro agresibong kampanya kontra sa ilegal nga droga.
Magbilog eon man sigon it bag-ong istratehiya kun paalin nga mapabilin ro kadaeag-an it administrasyon sa isyu it kampanya sa ilegal nga droga.
Nagakadapat man nga ro mga agresibong operasyon ag pagpatuman it laye hay suportado it agresibong information drive ag kampanyang pang-edukasyon sa mga estudyante, nga kaeabanan nga target nga customer it mga sindikato it ilegal nga droga.
Samtang ginapugngan ro pagkalhit it droga, dapat man nga tutukan ro rehabilitasyon ag reintegrasyon.
