KALIBO, Aklan — Nagaka-agnas ag naga-alingasaw eon kat masapwan ko Miyerkules it gabi-i ro bangkay it sangka magueang nga babaye sa sueod it anang baeay sa Purok 2, C. Laserna St. Kalibo, Aklan.
Nakilaea ro biktima nga si Josefina Zonio Candido, 72, ag residente it nasambit nga lugar.
Base sa report, natukiban eamang ro bangkay matapos nga nag-alingasaw ro mabahong hugum sa kaeapit-bahay it biktima.
Suno sa kaeapit-baeay nga si certain Celina, pilang adlaw eon sigon nga owa nanda nakikita nga nagaguwa it anang baeay ro magueang umpisa ko Domingo nga adlaw matapos nga magsimba rason nga nagduda sanda eabi pa ag naga-umpisa eon nanda nga nahumgan ro mabaho nga hugum.
Nag-agto sigon imaw sa baeay it biktima agud nga itau ro anang electric bill ag dikara nana nataeupangdan nga may nagatueo nga dugo sa ubos rason nga insigidang nagpatawag it mga kapulisan.
Nasapwan nga nagakaya ro biktima sa ibabaw it anang baeay ag una eon sa state of decomposition.
Samtang, ginpahayag man it anang igmanghud nga owa it kaaway ro magueang ag ro pangabuhian kara hay ro nagapamasura, apang ginpadaehan man it kwarta it anang unga nga nagatrabaho sa ibang nasyon nga anang ginakapital sa pagpamakae it bote ag iba pa.
Padayun pa ro maid-id nga imbestigasyon it pulisya angot sa insidente.
