KALIBO, Aklan–Nagakabagay eon nga madayun ro Barangay ag Sangguniang Kabataan ukon SK Elections sa nakataeana kara nga schedule.
Suno kay Atty. Plaridel Morania, sangka batikang abogado sa Aklan nga tiempo eon agud nga mataw-an man it kahigayunan ro mga tawo nga makapili it mga bag-ong lider nga magadumaea sa andang natungdan nga barangay.
Haeos nakadaywang extension eon suno kana ro barangay election.
Owa man nalikawan ni Atty. Morania nga magduda nga posibleng ro panibag-ong ginaproponer nga postponement it barangay elections hay bilang pagbalik it utang nga kabaeaslan sa bag-o eamang natapos nga eleksyon.
Ginpahayag dugang nga owa man it mahimo ro publiko bangud nga mismong gobyerno ro nagapaeawig sa pagpanerbisyo it andang mga lider.
Nagpanindugan man si atty morania nga dapat nga masunod ro laye angot sa pagpatigayon it barangay ag SK elections.
Ro eleksyon suno kana ro nagapangunang sukatan it sangka demokrasya.
Nauna eon nga ginpahayag ni House Majority Leader Ferdinand Martin Romualdez ag ginapanan-aw nga magiging masunod nga House Speaker nga makatipid it kapin sa 8 bilyon pesos kon indi madayun ro barangay eleksyon sa disyembre 2022.
