‘Nagakatabo nga kinagamo makaron sa Ukraine sangka ‘senseless massacre’ – Pope Francis

Gintawag nga “senseless massacre” ni Pope Francis ro nagakatabo makaron nga kinagamo sa tunga it Russia ag Ukraine.

Ginpahayag raya it Santo Papa sa anang address ag blessing sa St. Peter’s Square kadungan it pag-engganyo sa mga lider it International community nga nagahimo it pamaagi agud nga punggan ro giyera sa tunga it daywang ka mga nasyon.

Apisar nga owa ginmitlang ro pangaean it Russia hay gin-describe man it Santo Papa ro ginahimo kara bilang sangka senseless massacre ukon owa it basehan nga pagpatay nga nagatuga it adlaw-adlaw nga problema sa maabu nga pumueoyo.