KALIBO, Aklan—Nagapabilin nga 309 ro kabilugan nga kaso it Coronavirus Disease 2019 ukon COVID-19 sa bilog nga probinsya it Aklan.
Raya hay matapos nga owa it nailistang bag-ong nagpositibo sa sakit ro Provincial Health Office (PHO)-Aklan makaron nga adlaw.
Suno kay Dr. Cornelio Cuatchon Jr. it PHO-Aklan nga nakaangkon it kasamaran sa makina it Molecular laboratory it Aklan Provincial Hospital ko adlaw it Dominggo.
Bangud kara, pagadaehon eon lang sa Western Visayas Medical Center (WVMC) ro mga swab specimen sample nga andang nakolekta para idto ipa-eksamin.
Ginapahayag nga may ginahueat pang kapin sa 103 pending result ro Puro 1, C. Laserna St., Brgy. Poblacion, Kalibo nga nauna eon nga ginpaidaeom sa hard lockdown matapos nga makalista it maabo nga kaso it COVID-19.
Kaangot kara, nagpadumdom man raya sa publiko nga padayun nga sundon ro minimum health standards it Department of Health agud nga makalikaw sa virus eabi eon makaron nga holiday season.
