KALIBO, Aklan—Nagapabilin nga eowas sa paeag it African Swine Fever (ASF) ro bilog nga Western Visayas.
Base sa datus it Department of Agriculture (DA) kaibahan man sa mga ASF free nga lugar ro Mindoro, Marinduque, Romblon ag Palawan (MIMAROPA) kamana man ro Region 7 ag 9.
Suno kay Engr. Remelyn Recoter, Regional Executive Director it DA Region 6 nga naga-abot sa 16 porsyento ukon kapin sa 70,000 ka mga live hogs halin sa kabilugan nga shipment sa Metro Manila ro maghalin sa Western Visayas ko unang quarter it dag-on.
Raya sigon nga tikang hay bilang suporta eon man sa ginpagguwa nga Executive Order ni Pangueong Rodrigo Duterte angot sa price freeze it mga karne it baboy ag manok kun sa siin nakataeana eon nga magtapos sa Abril 8.
Ginpasiguro man ni Engr. Recoter nga bastante pa ro stock nga baboy it bilog nga rehiyon rason nga indi raya makaangkon it kakueangan sa supply.
Sigidas man sigon ro monitoring it ahensya sa mga tindahan para masiguro nga owa it nagapamentaha sa mga presyo.
Sa makaron hay naga-abot it 220 hasta 230 pesos ro kada kilo it karneng baboy sa mga tindahan sa probinsya it Aklan.
