KALIBO, Aklan—Nagapabilin nga eowas sa red tide toxin ro mga coastal waters it probinsiya it Aklan.
Suno kay Christian Deza, senior provincial agriculturists it Office of the Provincial Agriculture nga base sa monitoring it Bureau of Fisheries and Aquatic Resources ukon BFAR-Aklan, negatibo sa paralytic shellfish poison ro mga ginbo-oe nga samples halin sa kaeawran nga sakop it Batan, Altavas ag New Washington.
Aminado ro taeatapan nga naalarma kato ro probinsiya matapos nga magpositibo sa red tide toxin ro mga kaeawran it Capiz nga kaiping eamang it Aklan.
Owa eon sigon sanda nga naila nga uman nga maexperiensihyahan ro natabu ko 2015 kun sa siin eubus nga naapektuhan ro mga mangingisda ag mga negosyante it shellfish bangud sa red tide.
