KALIBO, Aklan–Sa sueod it pitong gabi-i eon, nagapabilin nga maayos ag malinong ro pagpatigayon it Simbang Gabi sa bilog nga probinsiya it Aklan.
Suno kay P/SSgt. Jane Vega, tagapaghambae it Aklan Police Provincial Office ukon APPO nga raya ro andang naging security assessment matapos ro monitoring nga ginhimo sa pag-umpisa it tradisyunal nga siyam nga adlaw nga Simbang Gabi it mga Katoliko.
Partikular sigon nga ginabantayan it mga nakadeploy nga pulis ro pagsunod it pamunuan it mga simbahan ag Local Government Units (LGUs) sa ginapatuman nga mga health protocols kapareho it pagsuksok it face mask ag face shield, physical distancing ag 30% eang it mga church goers ro ginapasugyan sa sueod it simbahan.
Suno kana nga ginaeauman nga matapos ro siyam nga adlaw nga Simbang Gabi nga malinong bangud nga haeos nagasunod man ro tanan nga mga nagatambong.
Mag-eowas sa mga nakadeploy nga pulis hay may naga-roving man nga mga patrol cars.
