KALIBO, Aklan—-Nagapabilin nga mabaskog sa mga pumueoyo it Maryland, USA si President Donald Trump kung sa siin kaabuan sa mga raya hay mas gusto imaw nga iboto sa nagahilapit nga Presidential Election sa maabot nga November 3.
Suno kay Bombo International Correspondent Lindly Reloj it Lexington Park, Maryland, mas gusto sigon it mga tawo idto si Trump bangud sa pagiging maisog kara kumpara kay Democratic Nominee Joe Biden.
Dugang pa kara nga ginataw-an it sigon it katumanan ni Trump ro anang promisa kamana man nga mabahoe ro naibulig it anang ginpatuman nga stimulus sa mga pumueoyo eabi pa ag nagapangtubang ro nasyon sa pandemya daea it COVID-19.
Mas manami ag aktibo sigon ro programa ni Trump kaysa sa plataporma ni Biden.
Kaangot kara, nagapabilin sigon nga normal ro sitwasyon sa andang lugar maskin nga maeapit eon lang ro eleksyon.
