KALIBO, Aklan —- Nagapadayun ro imbestigasyon ag pagtumod sa identity it suspek it Kalibo Municipal Police Station nga may kahimuan sa natabu nga panakawan sa sangka baeay kaina it aga-aga sa D. Maagma St., Kalibo.
Naga abot sa 28,000 pesos nga balor it kwarta ro nakulimbat it manakaw nga nakasueod sa sangka sling bag.
Suno sa report, nabugtaw eon lang ro tag-ana it baeay pasado alas-5:00 kaina it aga-aga nga owa ro anang sling bag nga nakabutang sa andang sala samtang hamuok ro anang katueugon sa lugar.
Nakita eon lang it mag-asawa ro sling bag sa guwa it andang baeay, kun sa siin owa eon ro kwarta ag nakakalhit ro mga IDs, ag iba pang mga dokumento.
Sa pag-imbestiga, ginbangil it suspek ro screen door gamit ro sangka bote it aeak agud nga indi makatuga it sangag sa anang pagsueod sa baeay.
Nasayuran pa nga uwa naka lock ro puwertahan it kusina it baeay nga ginapatihan nga dikara nag agi ro manakaw.
