KALIBO, Aklan — Posible nga matapos eon sa masunod nga dominggo ro demolisyon sa mga establisyimentong nakasueod sa 25-plus-five easement ro andang istraktura sa isla it Boracay.
Raya hay suno kay Boracay Inter-Agency Rehabilitation Management Group (BIARMG) general manager Natividad Bedandino matapos nga tayuyon ro andang pagtibag sa mga identified establishment.
Ginklaro nga ro napueong establisyimento nga una eon nga nagpamaeabag sa andang tikang hay kaeakip gihapon sa andang demolisyon sa pihak nga ro andang kaso hay ginsaylo sa Branch 8 it Regional Trial Court Kalibo.
Raya sigon hay kasunod sa pag-inhibit ukon pagbawae sa kaugalingon ni Judge Ronald Exmundo nga magdesisyon sa kaso it nasambitang mga establishment owners.
Sa makaron suno kana hay sigidas ro trabaho it task force agud nga maabot ro timeline sa rehabilitasyon nga ginahimo sa nasambitang isla.
