Ginaplano it Commission on Election (Comelec) nga magtukod it task force nga imaw ro magatugis sa mga nagapakalhit it ‘fake news’ eabi eon ro may kahilabtanan sa nagahilapit nga eleksyon.
Gusto nanda nga magpabulig sa National Bureau of Investigation ag sa Philippine National Police para matumod ro mga nagapakalhit it saea nga balita.
Kinahangean sigon nga masampolan ro mga raya bangud nga gina-guba it mga raya ro kredibilidad it eleksyon.
Pagatutukan sigon raya it husto hasta nga may mapasueod sa selda ukon madakpan.
Sambilog sa ginkaakig it Comelec hay ro nagkalhit nga balita nga may una eon sigon nga resulta ro eleksyon nga naghalin sa syento porsiyento it mga botante.
Mag-eowas kara, may nagapakalhit man nga naka-shade eon ro mga balota.
Sin-o man abi ro indi maakig sa nasambit nga balita.
Ginpangunahan eon ro eleksyon.
Owa nagapundo ro mga ‘Marites’ nga kon makita it mga indi maka-eubot hay posibleng magpati.
Sambilog sa posibleng motibo it mga raya hay ro samaron ro kredibilidad it eleksyon.
May mga interes rason nga nagapakalhit it fake news rason nga dapat nga maeagas ag ikulong.
Kinahangean sa mga pumueuyu nga maging mapag-obserba, boe-on ro tanan nga anggulo it istorya.
Fact check ro kinahangean.
Apang magdahan man gihapon bangud nga pila sa mga nagapatigayon it fact check hay kaeabanan nga ginabutang eamang ro gusto nanda ag bukon it tanan nga anggulo it impormasyon.
Masyadong uso raya makaron nga eleksyon.
