KALIBO, Aklan—Nagapati ro sangka political analysts sa probinsiya it aklan nga magiging madali ro presidential transition process sa tunga it administrasyong Duterte ag ni presumptive president Ferdinand “Bongbong” Marcos Jr.
Suno kay Dr. Malyn Villanueva nga bangud sa maayos nga relasyon it magtimbang nga parte hay magiging maeumo ro pag-transmit it mga programa ag proyekto it gobyerno kamana man ro posibilidad nga ro pilang gabinite hay igapabilin sa pwesto partikular ro economic team.
Pila sigon sa mga dapat nga tutukan it marcos administration sa unang “100 days” kara sa pwesto hay ro kinahangean it mga tawo kapareho it pagkaon ag edukasyon kamana man ro pagtau it prayoridad sa pagpabaskog it ekonomiya, foreign policy, dugang nga mga proyektong pang imprastraktura, turismo ag iba pa.
Gindugang pa ni Villanueva nga importante ro loyalty sa cabinet post bangud nga raya ro magaserbi nga adviser it presidente.
Mabahoe man sigon nga bagay nga eubus nga mapatuman ro mga proyekto ag laye ni Marcos ag presumptive vice president Sara Duterte bangud sa andang pagiging magka-alyado.
