Nagapabilin nga mataas ro presyo it asukar sa merkado apisar nga may mga pilang serye eon nga nagnaba ro nasambit nga presyo.
Suno kay Betty Robelo, sangka negosyante sa Kalibo Public Market nga maskin sanda owa it kontrol sa presyo it asukar.
Nagataas-naba sigon ro presyo it asukar rason nga owa man sanda it mahimo kundi magpa-iba iba man it presyo.
Sa makaron sigon nagnaba it sangkiri ro tao kanda it supplier apang indi sigon mag-eaum ro mga manugbakae nga padayon eon ro nasambit nga pagnaba.
Kung siin ro dating 80 per kilo nga brown sugar hay maging 76 kada kilo eon sa masunod nga dominggo.
Paga-ubuson anay sigon nanda ro andang dati nga stock antes nga ipaguwa ro mas barato nga presyo it asukar.
Samtang, nagapabilin man sa dati nandang mga presyo ro iba pang mga produkto sa merkado apisar nga nagahilapit eon ro selebrasyon it bag-ong dag-on.
