Kalibo Aklan ——–Nag-abot eun sa 115 ka mga indibidwal ro nadakpan nga nagbayolar sa ginapatuman nga Comelec gun ban sa bilog nga Western Visayas.
Suno kay Plt. Col. Arnel Solis, tagapaghambae it Police Regional Office (PRO-6) nga sa nasambitan nga numero, 68 kara ro naboe-an it assorted firearms samtang 57 ro may bitbit nga mga mataeom nga hinangiban.
Kaabuan sa mga nadakpan hay naimbolbar sa komisyon sa andang komunidad ag sa pagrespondi it mga otoridad hay naboe-an it andang ginahuptan nga armas.
Nasayuran nga ro sin-o man nga madakpan nga naga-eabag sa Comelec gun ban hay puweding makulong it sang dag-on hasta an-om nga dag-on .
Bangud kara hay padayun nga gina-enggayo it mga kapulisan ro publiko nga indi anay magbitbit it armas ukon mga mataeom nga hinangiban agud nga makalikaw sa nagakaigo nga penalidad.
