KALIBO, Aklan—Nagdesisyon ro mga driver it jeep nga nagabiyaheng banga-kalibo nga indi magsunod it 70 percent seating capacity.
Raya hay apisar nga ginapasugtan eun it Provincial Inter-Agency Task Force sa probinsya it Aklan ro mga pampublikong transportasyon nga magsakay it hasta sa 70 porsiyento it andang kapasidad kasunod it pagpaidaeum sa alert level 2.
Suno kay Leandro Lenciano, chairman it Banga-Kalibo jeepney transportation nga maskin matawag nga sangka pag-eabag sa ordinansa hay napagdesisyunan nandang mga drivers nga indi anay pagkakason ro andang barrier ag nagapasakay eamang sanda it hasta sa 50 porsiyento it andang kapasidad.
Gin-insister pa kara nga kung andang sundon ro nasambitan nga pagsinueondan hay owa eun sanda it maiuli nga kita para sa andang pamilya.
Sugang pa kara nga mas mapadali ro andang pagguwa kung 50 porsiyento eamang it kapasidad ro andang ikarga.
Nasayuran nga sa makarun hay nagapasakay eamang sanda it waeo nga mga pasahero ag nagapanukot it tig-25 pesos kada isaea.
