KALIBO, Aklan—Naging maayos ro pag-umpisa it pagbalik eskwela ko Lunes para sa second quarter it school year 2020-2021 sa tanan nga pampubliko ag pribadong eskwelahan sa probinsiya it Aklan sa porma gihapon it blended distance learning.
Suno kay Dr. Miguel Mac Aposin, Schools Division Superintendent it Department of Education ukon DepEd-Aklan nga partikular nanda nga gintutukan ro andang naging assessment ko unang quarter agud nga mapahagan-hagan eon ro mga problema nga na-encounter eabi eon sa learning materials.
Samtang, nagapabilin suno kana nga bukas ro mga eskwelahan maskin nga may covid 19 pandemic, apang indi makaeaum nga bukas ro tanan nga mga classrooms bangud nga may work arrangements nga gintaeana para sa manugturo.
Samtang, makabig man suno kana nga naging madinaeag-on sanda sa andang katuyuan nga magapadayon ro pag-eskwela it mga unga sa tunga it ginapangatubang nga pandemya pinaagi sa mga ginapadaea kanda nga mga modules.
Sa pihak nga parte, pabor si Dr. Aposin sa pagsuspinde sa pagpaiway sa nakataeana kunta nga pilot implementation it dry run it face-to-face classes sa mga low-risk areas umpisa makaron nga Enero 2021 sa tunga it napabalitang bag-ong strain it covid 19 virus.
Magahueat sigon sanda it “go signal” halin sa gobyerno.
