KALIBO, Aklan—Naging madinaeag-eon ro ginpatigayun nga Bagsakan Trade Fair it Department of Trade and Industry (DTI) sa Iloilo ko Marso 2 hasta 6, 2022.
Suno kay Ma. Carmen Iturralde, Provincial Director it DTI-Aklan nga naga-abot sa 19 ka mga Small, Medium and Micro Enterprises (MSMEs) halin sa probinsya it Aklan ro nagpasakop sa programa.
Pila sa mga produkto nga ginbida sa Bagsakan Trade Fair hay ro mga piña products kapareho it barong, handicrafts, face mask kamana man ro crop products nga himo sa abacca ag maabu nga iba pa.
Tuyo sigon kara nga mabuligan ro mga maisot nga negosyante nga ma-promote ro andang produkto agud nga makabawi halin sa epekto it pandemya.
Samtang, naga-abot sigon sa masobra P4.92 million ro kabilugan nga kinita it taeatapan halin sa ap-at nga adlaw nga Bagsakan Trade Fair.
Kung siin, raya hay ginakaeakipan it cash ag booked orders.
