KALIBO, Aklan—Naging matawhay ro unang adlaw it Ligtas Balik Eskwela 2022 base sa inisyal nga assessment it Aklan Police Provincial Office (APPO).
Suno kay PSSgt. Jane Vega, tagapaghambae it APPO nga nagpagguwa it mandato si Police Colonel Crisaleo Tolentino angot sa deployment it mga kapulisan makaron nga adlaw, Agosto 22.
Base sa obserbasyon, naging maayos ro pagbalik sa eskwelahan it mga estudyante partikular sa Kalibo Integrated Special Education Center (KISEC).
Nasayuran nga nagpatigayun man it augmentation ro Provincial Head Quarters sa banwa it New Washington ag Numancia.
Ginpaathaag man kara nga tanan nga mga eskwelahan sa bilog nga probinsya it Aklan hay may nakaposte nga kapulisan para magbantay sa daeagan it trapiko ag magtao it assistance sa mga unga ag ginikanan.
