KALIBO, Aklan —- Nagbueuligan ro nagkaeain-eain nga ahensiya it gobyerno ag ro lokal nga gobyerno it Malay para sa coastal cleanup sa Isla it Boracay makaron nga Sabado de Gloria.
Nakakolekta ro grupo it pilang sako it basura sa bulig it mga volunteers, kun sa siin ginturo man ro tamang disposal it mga basura.
Nagbuylog sa nasambit nga clean-up activity ro mga empleyado it Malay MDRRMO, LGU Securities, Boracay Lifeguards, Philippine National Police, Philippine Coast Guard, Bureau of Fire Protection, PNP Maritime, ag 2nd Aklan Police Mobile Force.
Kaibahan man sa coastal clean up ro mga tourism frontliners, mga asosasyon, ag mga kooperatiba.
Tuyo it nasambit nga aktibidad nga maipaabot sa komunidad ro kanya-kanyang responsibilidad agud nga mapabilin ro kalimpyo ag kaanyag it Boracay.
