KALIBO, Aklan—Nagkaeain eain nga klase it anxiety disorders ro pwedeng makaapekto sa pang-adlaw-adlaw nga pagpangabuhi it sangka tawo.
Pila eamang sa mga raya hay ro panic disorder, social anxiety disorder, ag phobia.
Sa mga tawong may kaparehong nababatyagan hay big deal eun ro mga raya para kanda.
Apang suno kay Dr. Janet Ortega , sangka mental health advocate nga normal eamang sa sangka tawo nga maka-eksperyenisya it anxiety.
Pilang man sa mga sintomas it anxiety disorder hay ro pag-panic, pagkabatyag it kahadlok ag indi mahimayang sa sangka problema.
Ro sangka tawo man nga may anxiety hay indi makatueog sa pag-inisip it mga bagay bagay ag indi kayang pakalmahon ro kaugalingon.
Pagpang-eamig, perming ginahueasan, ag nagapangmanhid ro alima ag siki, medyo nalisdan nga magginhawa ag naga-palpitate ro tagipusuon.
Nagabuyog ro ueo sa sobrang inisip it mga nagkaeain eain nga bagay.
May kaangtanan kara, anang ginaeaygayan ro publiko mas kapin ro naka-eksperyensiya it kapareho nga kondisyon makarun nga nagapangatubang it krisis ro nasyon.
Suno pa kana nga dapat tun-an it sangka indibidwal kung paalin nga pakalmahon ro anang kaugalingon.
Makabulig man ro pagginhawa it madaeum gamit ro sangka paper bag kung grabe eun ro pag-atake it anxiety sa sangka tawo.
