Nagapabilin sa dati nga presyuhanay ro mga nagkaeain-eain nga klase it bueak sa flowershop nga nahamtang sa Roxas Avenue, Kalibo.
Suno sa sangka flower vendor nga si Rowena, uwa pa it pagtaas ro presyo it andang mga ginabaligya nga bueak haeos daywang dominggo antes ro fiesta minatay.
Bastante suno kana ro supply makaron it mga masami nga bueak nga ginabakae ag ginapaayos kanda kada selebrasyon it fiesta minatay.
Apang, uwa sigon sanda kasayod kon ro andang supplier hay inde eon magpataas it presyo hasta sa masunod nga dominggo.
Kaeabanan sigon sa andang mga bueak hay nagaabot sang dominggo ukon tatlong adlaw antes ro nasambit nga okasyon.
Bukon pa man gid suno kana it mabakae makaron nga tyempo rason nga ro bueak nga radus white hay nababaligya pa nanda makaron it 100 pesos ro kada tatlong stem
