INTERNATIONAL News — Apektado it major outage sa global computer systems ko Biyernes, Hulyo 19 ro nagkaeain-eain nga sector it ekonomiya kapareho it mga banko, paeuparan, communications ag telecommunications company.
Suno sa National Cyber Security Coordinator, ro “large-scale technical outage” hay tuga it isyu sa “third-party software platform,” ag ginasugid nga owa man raya it kaangtanan sa hacker.
Sa Berlin, Germany, suspendido ro mga flight sa Berlin Brandenburg airport bangud sa “technical problem.”
Nagpaandam man ro pinakamabahoe nga rail operator sa United Kingdom sa posibilidad it train cancellations bangud sa nasambit nga IT issue.
Nakaangkon man it glitch ag insigidang gintapos it Sky News sa UK ro morning news broadcast bangud kara.
Maskin sa Pilipinas hay apektado ro digital banking services it pilang major local banks bangud man sa tech outage.
Suno sa BDO Unibank, naka-eksperyensiya it technical difficulties ro andang sistema bangud sa isyu sa Microsoft.
Nag-report man it mga kaparehong isyu ro Metrobank, Unionbank ag Bank of the Philippine Islands.
Temporaryo man nga owa it serbisyo kahapon ro RCBC sa andang RCBC Pulz and Online Banking, Fund transfers to other banks via Instapay, PesoNet, Swift and PDDTS, Bills payment, Cardless withdrawal, Credit card services, Online check deposit, PayDay NOW ag Salary Loan NOW Diskartech.
Kaibahan man sa apektado ro Fund transfers to RCBC ag sa iba pang banko pinaagi sa Instapay ag ro Cardless withdrawal.
Apang ro tanan hay natigayon eon nga maibalik sa normal.
