Padayon ro pag-abot it bulig halin sa nagkaeain-eain nga nasyon ag pangkalibutanong organisasyon para sa Venezuela matapos ro daywang magkasunod nga mabaskog nga linog nga tumama sa nasyon.
Nanguna ro Estados Unidos sa pagdeploy it mga rescue team, medical resources, humanitarian assistance, ag pagtaeana it $150 milyong ayuda.
Nakikipag-angot man ro United Nations para sa insigidang pagpadaea it urban search-and-rescue teams.
Nagpadaea man it mga rescuer, medical personnel, search dogs, emergency supplies, ag iba pang ayuda ro Colombia, El Salvador, Chile, Cuba, ag Dominican Republic.
Nagtao man si Pope Leo XIV it paunang bulig nga nagakahaega it 100,000 euros.
Samtang, nagpaabot man it rescue teams ag iba pang suporta ro Panama, Spain, Mexico, France, ag Japan, samtang nagpahayag it kahauman nga magbulig ro European Union, Iran, ag China, kaibahan ro iba pang humanitarian organizations ag mga volunteer.
