KALIBO, Aklan—Nagnaba eon ro numero it kaso it coronavirus disease 2019 (COVID-19) sa Nevada, USA matapos nga ginpatigayon ro mass vaccination sa nasambit nga nasyon.
Raya ro ginpahayag ni Bombo International Correspondent Maritess Iray it banwa it New Washington ag presenteng naga istar sa Nevada.
Suno kana nga nagnaba eon ro numero it mga pasyenteng na-admit sa mga ospital nga tinamaan it deadly virus.
Sa pihak kara, padayun ro mandu kanda nga ipatuman ro minimum health standards kapareho it pagsuksok it face mask, pag disinfect it alima ag social distancing.
Nagaeum sigon ro mga taga Nevada nga maga dere deretso eon ro pagnaba it kaso it sakit sa andang lugar bangud sa manami nga epekto it bakuna nga kaeabanan hay halin sa pfizer.
Ginapahaum eon suno kana ro pagturok it ikaywang shot it bakuna partikular sa mga priority lists.
Apang suno kay Maritess nga posibleng sa masunod nga dag-on lang imaw magapa-inject bangud sa kahadlok nga nabatyagan.
