KALIBO, Aklan—Nagpamalibad nga magta-o it komento ro Philippine Chamber of Commerce Industry ukon PCCI Boracay angot sa kontrobersyal nga pagbuhi it uman sa pagkriar it Boracay Island Development Authority government-owned and controlled-corporation ukon BIDA GOCC.
Suno kay Elena Brugger, chairman it advisory council it PCCI Boracay nga kinahang-ean kara ro maid-id nga pagpangusisa ag konsultasyon maghalin sa andang grupo bangud nga bukon it basta-basta ro plano nga ipasa nga hagna it mga mamalidha.
Apektado ro tanan nga sektor sa ginaproponer nga hagna rason nga dapat konsultahon ro komunidad angot kara bilang respeto eon man sa mga pumueoyo it probinsya it Aklan partikular sa mga residente mismo it isla it Boracay.
Makabig suno kana nga sensitibo ro nasambit nga isyu rason nga inde sanda makapaguwa it andang tul-id nga pahayag kon uwa it konsultasyon nga matabo.
