POLICE Report — Makangieidlis ro naging kamatayon it 48 anyos nga eaeaki matapos raya nga pugutan it ueo kat madakpan nga nagapanakaw sigon it mais sa banwa it Malitbog sa probinsiya it Bukidnon.
Base sa ginpaguwa nga report it Malitbog Municipal Police Station, gintumod ro biktima sa alyas nga Ruben samtang ro suspek hay nakilaea kay alyas Berlon, sangka mangunguma sa nasambit nga lugar.
Nagatuhaw sa imbestigasyon nga pasado alas-4:00 it hapon ko Pebrero 16, gina alegar nga nadakpan it suspek ro biktima nga ginatakaw ro anang tanum nga mais.
Sa kaakig it suspek, gin-einabu kara ro biktima sa nagkaeain-eain nga parte it eawas ag owa pa nakuntento hay ginpugutan pa raya it ueo.
Insigida man nga naaresto ro suspek nga makaron hay nagapangatubang sa nagakaigo nga kaso.
