KALIBO, Aklan—Nagpanawagan ro Provincial Disaster Risk Reduction and Management Council ukon PDRRMC-Aklan sa publiko nga maghimo eon it nagakaigo nga pagpahaum kasunod it opisyal nga pagdeklara it PAGASA nga nagsueod eon ro tiempo it tigueuean ukon rainy season sa nasyon.
Suno kay PDRRMC action man Galo Ibardolasa nga sa makaron hay naexperiensiyahan eon ro habagat ukon southwest monsoon.
Kadungan kara, nag apela imaw sa publiko eabi eon ro mga naga-istar sa mga baeahaon nga lugar ag landslide prone areas nga maging mapagbantay ag kon pwede hay magsaylo eon it maistaran.
Bangud sigon sa climate change, delikado ro sitwasyon kon mabaskog ro bubu it uean bangud nga pwede raya nga magdaea it pagbaha kamana man ro mabaskog nga bagyo.
Gin-abisuhan man nana ro mga barangay disaster risk reduction and management committee nga padayunon ro andang kampanya agud nga taw-an it kasayuran ro mga pumueuyu angot sa posibleng paga atubangon nga kalamidad.
Partikular kara ro pagpabakod sa andang baeay, pagputoe it punong kahoy sa andang palibot, paglimpyo it mga kanae, dregging it mga suba, kabulig ro lokal nga gobyerno.
Sa pihak nga parte, ginpasiguro man ni Ibardolasa nga haum ro andang mga rescue equipment ag mga rescuers.
Samtang, nagpanawagan man imaw sa mga motorista nga mag doble dahan sa pagmaneho eabi eon kon naga-uean ag magsuksok it nagakaigo nga personal protective equipment partikular ro nagakabagay nga helmet.
