KALIBO, Aklan—Nagsaka eon sa kabilugan nga 686 ro mga tinamaan it coronavirus disease ukon Covid-19 sa probinsya it Aklan.
Raya hay bangud sa siyam nga panibag-ong nagkasakit base sa pinakaulihing datos nga ginpaguwa it Aklan Provincial Epidemiology Surveillance Unit it Provincial Health Office.
Ro panibag-ong numero it nagpositibo sa deadly virus hay ginakaeakipan it ap-at nga taga banwa it Kalibo, daywa ro sa Libacao, ag tig sambilog maghalin sa banwa it Nabas, Batan ag Numancia.
Samtang, nadugangan man it sambilog ro nagmayad halin sa nasambit nga masakit nga taga-Kalibo rason nga nagaabot eon makaron sa 598 ro numero it mga nakarekober.
Sa makaron hay may 65 pang mga aktibong kaso nga ginakaeakipan it 55 nga presenteng una sa facility quarantine ag napueo ro admitted.
Samtang, nagapabilin sa 23 ro numero it mga namatay bangud sa nasambit nga deadly virus.
