KALIBO, Aklan—Nagsaka pa sa kabilugan nga 932 ro kaso it Coronavirus Disease 2019 ukon COVID-19 sa probinsya it Aklan.
Raya hay matapos nga makalista it 51 nga bag-ong kaso kahapon, Marso 3, 2021.
Base sa pinakaulihing datos it Aklan Provincial Epidemiology Surveillance Unit it Provincial Health Office, raya hay ginakaeakipan it 20 nga kaso sa Kalibo; 17 sa Banga; 6 sa Numancia; tig daywa sa Ibajay, Lezo, New Washington ag tig sambilog sa Batan ag Malinao.
Sa pihak kara, nakalista man it 23 nga bag-ong nagmayad rason nga sumaka eon sa 721 ro total recoveries.
Sa makaron hay 183 pa ro nabilin nga aktibong kaso kung siin 168 sa mga pasyente ro naka-facility quarantined, 14 ro admitted sa Aklan Provincial Hospital ag sambilog ro naka-home quarantined.
Samtang, nadugangan man it sambilog ro mga namatay tuga it deadly virus rason nga naga-abot eon sa 29 ro total deaths.
