Nagtaas sa $112.5 bilyon ro gross international reserves (GIR) it Pilipinas sa pagtapos it Enero 2026 suno sa Bangko Sentral ng Pilipinas (BSP).
Mas mataas raya kumpara sa $110.9 bilyon nga nailista sa katapusan it 2025.
Suno sa BSP, katumbas ro presenteng lebel it reserba it 7.5 months nga haega it pag-import it mga produkto ag baeayran sa serbisyo ag kita, nga eampas sa pangkalibutanong basehan sa tatlo hasta ap-at nag buean.
Sakop man kara ro kapin sa 4.1 beses it temporaryong utang it nasyon.
Ginabilog ro GIR it mga dumueoong securities, foreign exchange, ag iba pang asset kaparehas it bueawan nga importante sa pagpalig-on it piso, pagbayad it utang pangguwa ag pagsigurado it ikasarang nga mag-import it importanteng produkto sa tunga it pangkalibutanong krisis.
Nag-abot ro pagtaas it reserba samtang nagapangatubang ro nasyon sa mahinay nga pag-umwad it ekonomiya, nga bumagsak sa 3 porsiyento ko ulihing quarter it 2025, ag uman nga pagtaas it inflation sa 2 percent.
