KALIBO, Aklan—Ginahueat pa it lokal nga gobyerno it Kalibo ro kabilugan nga resulta it ginpatigayun nga Intensified Community Testing it Provincial Health Office ko nagtaliwan nga adlaw sa Purok 1, C. Laserna St., Brgy. Poblacion, Kalibo.
Suno kay Kagawad Mark Sy, kapin sa 299 nga indibidwal ro ginapidaeom sa swab test sa nasambit nga purok.
Base sa naging resulta it unang batch nagaguwa nga 22 ro nagpositibo halin sa kabilugan nga 89 samtang 14 mat-a ro nagpositibo sa ikaywang batch it resulta halin sa 70.
Insigida sigon nga ginsaylo sa quarantine facility ro mga nagpositibo sa COVID-19 agud nga ma-isolate ag malikawan ro pagtaeapnan it virus.
Ginapahayag nga 56 eon ro kumpirmadong kaso sa nasmabitang purok kung siin posible pa rayang madugangan engkaso nga magguwa eon ro resulta it nabilin pang 130 nga gin-swab.
Kaagot kara, mabahoe man sigon ro posibilidad nga mapaeawig pa ro Surgicial Enhanced Community Quarantine nga ginpaidaeom sa lugar bangud sa makaalarma nga numero it mga nagpositibo.
