Nailistang numero it mga kaso it leptospirosis sa nasyon, sumaka eon sa 2,794

Sumaka eon sa 2,794 ro kaso it leptospirosis sa nasyon halin  Enero 1 hasta Oktubre 29.

Suno kay Health Officer-In-Charge Maria Rosario Vergeire, nagataas ro numero it mga kaso it leptospirosis bangud sa tyempo it tag-uean.

Kaibahan sa mga sintomas kara ro eagnat, pagpangurog, pagpaeanakit it ueo, nagapamuea nga mata, pagsinuka, pagpang dueaw it panit ag mata.

Naga-abot sa 68% ro numero it leptospirosis nga mas mataas kumpara sa kaparehong tyempo ko nagtaliwan nga dag-on nga kapin sa 1,661.

Naga-abot man sa 370 ro namatay halin sa 178 ko 2021.

Ginpadumduman it Department of Health (DOH) ro publiko angot sa pagtaas it kaso it letospirosis halin sa kontaminadong ihi halin  sa mga eanggam ag sapat nga infected it bacteria leptospira.