KALIBO, Aklan—Nakalista it limang panibag-ong kumpirmadong kaso it Coronavirus Disease 2019 ukon COVID-19 ro Provincial Health Office ukon PHO-Aklan, kahapon, Oktobre 21.
Base sa datus, tatlo sa mga raya ro taga banwa it Kalibo, sambilog sa banwa it Nabas ag sambilog man sa Numancia.
Sa nasambit nga mga bag-ong kaso, ap-at sa mga raya ro local case nga na-expose sa confirmed case ag sambilog ro Locally Stranded Individual (LSI) nga taga-Nabas ag ginasugid nga may history of travel.
Samtang, owa man it nailistang bag-ong recovery.
Sa makarun, nakalista ro probinsya it 146 nga total cases kung sa siin 119 ro total recoveries samtang 20 ro nagapabilin nga active cases ag presenteng naka-facility quarantine kamana man nga pito ro nailistang namatay.
