Importante suno sa sangka pamatan-on nga mapadayon ro nakataeana nga barangay ag sangguniang kabataan election sa Disyembre 5, 2022.
Para kay Jillian Rico it Brgy Mabilo, Kalibo hay dapat eon nga mabayluhan ro presenteng SK officials nga presenteng nakapungko sa pwesto bangud nga ro mga millenials hay nagakinahang-ean it lider nga kaantiguhan nga makisabay kanda.
Mag-eowas kara, pamaagi man sigon raya nga mapaumwad pa gid ro kada isaea sa pagpamuno sa kadagayaan.
Ginpahayag dugang ni Rico nga kinahang-ean man nanda it lider nga magagiya kanda kaparehas sa punong barangay nga nagagiya sa mga pumueoyo.
Nagaeaum ro daeaga nga inde eon mapaisoe it uman ro election rason nga sambilog imaw sa mga nagpila para makaparehistro sa commission on elections ukon comelec.
