KALIBO, Aklan—Nakataeana nga magbisita sa Singapore si Pangueong Ferdinand “Bongbong” Marcos Jr. sa Setyembre 6 hasta 7.
Raya hay pagkatapos it anang pagbisita sa Indonesia sa Setyembre 4 hasta 6.
Suno kay Bombo International Correspondent Mercy Cacan nga malipayon sanda nga mga Filipino sa nagahilapit nga pagbisita it presidente sa Singapore.
Ginaeauman nga may igapatigayun nga convoy ro gobyerno para sug-aeawon ro pag-abot ni Marcos Jr.
Madumduman nga sambilog si Singaporean President Halimah Jacob sa unang nagpaabot it pagtamyaw kay Marcos pagkatapos it May 9, 2022 elections.
Kung siin, gin-imbitahan pa raya nga magbisita sa andang nasyon.
Posible sigon nga talakayon it daywang lider ro mas pang pagsanyog it relasyon it Pilipinas ag Singapore.
