Namatay nga empleyado it LGU-Altavas sa oras it trabaho, pagapasidunggan sa “Pamanang Lingkod Bayani” it CSC

KALIBO, Aklan — Sangka empleyado nga nadisgrasya samtang sa oras it trabaho nga gintunaan it anang hinali nga kamatayon ro pagapasidunggan it Civil Service Commission sa idaeum it  “Pamanang Lingkod Bayani”.

Suno kay CSC-Aklan provincial director Evelyn Ejar nga ro pamilya it  empleyado it LGU-Altavas nga sangka backhoe operator hay gin-imbitahan para sa seremonya, Biyernes it agahon.

Ro anang asawa hay magabaton it P100,000 nga one-time financial assistance ag plaque of recognition samtang ro anang daywang ka unga hay pagataw-an it scholarship grant sa anuman nga state colleges and universities sa nasyon.