Namatay sa linog sa Indonesia, nag-abot eon sa 47

Nag-abot eon sa 47 katawo ro namatay bangud sa pagtama it magnitude 7.7 nga linog sa Indonesia.

Suno sa National Disaster Management Agency (BNPB) nga ginaeauman nga magataas pa ro numero it mga namatay kun siin maabo gihapon ro ninahan sa insidente.

Pilang mga imprastraktura man ro nag-angkon it grabe nga kahalitan bangud sa nasambit nga linog. Ro nasambit nga pag-uyog hay ginsundan pa it magnitude 6.1 nga aftershock.

Pilang residente sa lugar kun siin nagtuhaw ro linog ro ginpabakwit eon man it mga otoridad.

Padayon gihapon nga gina-haeughog it mga opisyal ro mga imprastrakturang nahalitan para ma-usoy ro mga natabunan bangud sa linog.