KALIBO, Aklan—Owa it anuman nga ideya si Aklan 1st district congressman Carlito Marquez kon ano ro natalakay sa ginpatawag nga meeting it Malakanyang ko nagtaliwan nga gabi-i sa pilang mga kongresista.
Suno kay Marquez nga owa imaw na-imbitahan sa nasambit nga pueong.
Sa pihak nga parte, sa napabalitang ginaduso sigon nga kudeta ukon pagpatalsik kay House Speaker Lord Allan Velasco, pilang adlaw  matapos nga magdihon it certificate of candidacy sa pagka-bise presidente si Davao City Mayor Sara Duterte-Carpio, nagapati si Cong. Marquez nga imposible raya nga matabu.
Mag-eowas nga owa eon it session ag naka-focus ro atensyon it tanan nga pulitiko sa eleksyon sa 2022, Â ro backer sigon ni Velasco sa pagbutang kana sa pwesto hay si Sara.
Si Majority Leader ag Leyte Rep. Ferdinand Martin Romualdez ro gina-alegar nga  planong magpatalsik kana sa puwesto.
Si Romualdez hay igkampod ni presidential candidate ag dating senador Ferdinand Marcos, Jr.
Kat kutan-on kon sin-o ro anang pagasuportahan nga presidente sa maabot nga eleksyon,  ginpahayag ni Marquez nga  owa pa naka-meeting ro anang partido nga nationalist peoples coalition ukon NPC kon sin-o ro anang pagasuportahan.
Apang mabahoe sigon ro anang pagpasaeamat sa administrasyon sa pagbuhos it mga proyekto sa Aklan sa idaeum it  build, build, build program  ag  pagtukod it malasakit center ag iba pa.
