-- ADVERTISEMENT --
KALIBO, Aklan–Mabahoe ro pagpasaeamat it pamunuan it NAPOCACIA sa pagpanikasog ni Mayor Juris Bautista Sucro agud nga maasikaso ag mapondohan ro Resettlement Action Plan it mga apektadong residente it expansion it Kalibo International Airport.
Suno kay German Baltazar, chairman it NAPOCACIA nga nagapati imaw nga daeayon eon nga maresolba ro isyu sa idaoem it pagdumaea it presenteng administrasyon.
Gin-insister pa kara nga kinahang-ean nga mapungkuan ag maidid nga maistoryahan ro problema kaibahan ro nagkaeain-eain nga ahensya nga eakot kara.
Ginapabutyag nga may una eon nga ininsyal nga 200 panimaeay nga paga-ubrahon sa daywang hektarya nga eugta.
Raya ro ginapanan-aw nga pagahalinan it mga residenteng naapektuhan it airport expansion.
-- ADVERTISEMENT --
