Masadyang nagpakigbahin it eskperyensya ro sangka NAPOLCOM Examination Passer angot sa anang pagkapasa.
Suno kay Jerald Mortel, mabuhay eon nana nga handom nga maging pulis sa paaeabuton.
Apang bangud sa mga hangkat nga uwa ginaeauman, sangkiri raya nga na-delay. Imbes sigon nga criminology ro anang bue-on nga kurso hay nag-halin eon lang raya sa Bachelor of Physical Education bangud sa pinansyal nga hangkat.
Dugang pa nana, sa pihak nga uwa natuman ro anang handum nga kurso, nag-pursige sa gihapon imaw nga matapos raya.
Pagkatapos sigon it anang pag-eskwela, uwa man eagi imaw nag-buoe it LET Examination, kundi nag-trabaho imaw ag nag-tipon para sa anang bue-on nga eksaminasyon.
Gin-una sigon nana ro NAPOLCOM examination bangud nga raya ro mas matimbang sa anang handum, apang uwa man sigon nana gina-sarado ro paaeabuton sa pagiging teacher bangud nga plano man sa gihapon nana nga mag-buoe it LET examination.
Paathag nana, sa pihak nga halin imaw sa broken family, uwa raya naging hadlang para nga padayunon ro anang handum sa kabuhi, kundi naging daean raya bilang insiparasyon sa anang mga pagahimuon nga desisyon.
Sa makaron suno kana hay maga-preparar eon imaw sa anang pag-buoe it LET exam, ag kun mataw-an it kahigayunan nga matuman ro anang pagiging pulis hay ana raya nga padayunon.
